hota fankar-e-jadid aur na shair hota

hotā fankār-e-jadīd aur na shā'ir hotā

laġhv be-bahr ḳhayālāt kā maz.har hotā

aur baḌh jaatī jo ib.hām kī nudrat mujh meñ

ahd-e-nau ke kisī firqe kā payambar hotā

kuchh to miltā mujhe dushnām-tarāzī hī sahī

ḳhuub hotā jo maiñ dushman ke barābar hotā

kaahe ko dasht meñ chubhne ke liye rah jaatā

phuul hotā kisī gulshan kā gul-e-tar hotā

mujh pe bhī tesha-e-ulfat kī 'ināyat hotī

kaash ke maiñ bhī kisī koh kā patthar hotā

yuuñ tarāshe haiñ sanam kufr ke is duniyā ne

but-shikan hotā jo is daur meñ 'āzar' hotā

khīñch detā maiñ zamāne pe mohabbat ke nuqūsh

mere qabze meñ agar ḳhāma-e-shahpar hotā

apnī ḳhalīq kā mafhūm samajh paatā agar

dā.era hotā jahāñ aur maiñ mehvar hotā

log mujh ko bhī shahīd-e-ġham-e-daurāñ kahte

neza-e-vaqt pe goyā jo mirā sar hotā

dasht kī āb-o-havā ne diyā kāñToñ kā libās

maiñ bahāroñ meñ jo paltā gul-e-ahmar hotā

ḳhuun mazdūr kā miltā jo na ta.amīroñ meñ

na havelī na mahal aur na koī ghar hotā

tishna-lab koī bhī duniyā meñ nahīñ rah paatā

merī āñkhoñ ke jo qabze meñ samundar hotā

hota fankar-e-jadid aur na sha'ir hota

laghw be-bahr KHayalat ka mazhar hota

aur baDh jati jo ibham ki nudrat mujh mein

ahd-e-nau ke kisi firqe ka payambar hota

kuchh to milta mujhe dushnam-taraazi hi sahi

KHub hota jo main dushman ke barabar hota

kahe ko dasht mein chubhne ke liye rah jata

phul hota kisi gulshan ka gul-e-tar hota

mujh pe bhi tesha-e-ulfat ki 'inayat hoti

kash ke main bhi kisi koh ka patthar hota

yun tarashe hain sanam kufr ke is duniya ne

but-shikan hota jo is daur mein 'azar' hota

khinch deta main zamane pe mohabbat ke nuqush

mere qabze mein agar KHama-e-shahpar hota

apni KHaliq ka mafhum samajh pata agar

daera hota jahan aur main mehwar hota

log mujh ko bhi shahid-e-gham-e-dauran kahte

neza-e-waqt pe goya jo mera sar hota

dasht ki aab-o-hawa ne diya kanTon ka libas

main bahaaron mein jo palta gul-e-ahmar hota

KHun mazdur ka milta jo na tamiron mein

na haweli na mahal aur na koi ghar hota

tishna-lab koi bhi duniya mein nahin rah pata

meri aankhon ke jo qabze mein samundar hota