husn mein aafat-e-jahan tu hai
husn meñ āfat-e-jahāñ tū hai
chaal meñ ḳhanjar-e-ravāñ tū hai
donoñ zālim haiñ farq itnā hai
āsmāñ piir hai javāñ tū hai
be-kahe dil kā haal raushan hai
ai ḳhamoshī mirī zabāñ tū hai
apne ghar meñ ḳhayāl meñ dil meñ
ek ho kar kahāñ kahāñ tū hai
donoñ jānib se parda-dārī hai
maiñ huuñ gumnām be-nishāñ tū hai
sab se pyārī hai jaan duniyā meñ
jaan se baḌh ke jān-e-jāñ tū hai
aa.ine par nahīñ ye chashm-e-karam
apnī sūrat kā qadr-dāñ tū hai
kyā barābar kā joḌ hai ye 'jalīl'
yaar nāzuk hai nā-tavāñ tū hai
husn mein aafat-e-jahan tu hai
chaal mein KHanjar-e-rawan tu hai
donon zalim hain farq itna hai
aasman pir hai jawan tu hai
be-kahe dil ka haal raushan hai
ai KHamoshi meri zaban tu hai
apne ghar mein KHayal mein dil mein
ek ho kar kahan kahan tu hai
donon jaanib se parda-dari hai
main hun gumnam be-nishan tu hai
sab se pyari hai jaan duniya mein
jaan se baDh ke jaan-e-jaan tu hai
aaine par nahin ye chashm-e-karam
apni surat ka qadr-dan tu hai
kya barabar ka joD hai ye 'jalil'
yar nazuk hai na-tawan tu hai
- Book : Kainat-e-Jalil Manakpuri (Pg. 214)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
