ek dasht-e-be-aman ka safar hai chale-chalo

ik dasht-e-be-amāñ kā safar hai chale-chalo

rukne meñ jaan o dil kā zarar hai chale-chalo

hukkām o sāreqīn kī go rah-guzar hai ghar

phir bhī barā.e-bait to dar hai chale--chalo

masjid ho madrasa ho ki majlis ki mai-kada

mahfūz shar se kuchh hai to ghar hai chale-chalo

zulmat hai yaañ bhī vaañ bhī añdhere hī hoñ to kyā

nuur ik varā-e-hadd-e-nazar hai chale-chalo

utrā kinār-e-bahr-e-atsh ek qāfila

ḳhatm us pe tishnagī kā safar hai chale-chalo

sar tak pahuñch na jaa.e koī tez-gām lahar

yaañ ḳhuuñ kī mauj tā-ba-kamar hai chale-chalo

jaañ ke ziyāñ kā Dar hai talab meñ agar to ho

tark-e-talab meñ bhī to ḳhatar hai chale-chalo

ek dasht-e-be-aman ka safar hai chale-chalo

rukne mein jaan o dil ka zarar hai chale-chalo

hukkaam o sareqin ki go rah-guzar hai ghar

phir bhi barae-bait to dar hai chale--chalo

masjid ho madrasa ho ki majlis ki mai-kada

mahfuz shar se kuchh hai to ghar hai chale-chalo

zulmat hai yan bhi wan bhi andhere hi hon to kya

nur ek wara-e-hadd-e-nazar hai chale-chalo

utra kinar-e-bahr-e-atsh ek qafila

KHatm us pe tishnagi ka safar hai chale-chalo

sar tak pahunch na jae koi tez-gam lahar

yan KHun ki mauj ta-ba-kamar hai chale-chalo

jaan ke ziyan ka Dar hai talab mein agar to ho

tark-e-talab mein bhi to KHatar hai chale-chalo