ek pili chamkili chiDiya kali aankh nashili si

ik piilī chamkīlī chiḌiyā kaalī aañkh nashīlī sī

baiThī hai dariyā ke kināre merī tarah akelī sī

jab maiñ nasheb-o-rañg-o-bū meñ utrā us kī yaad ke saath

os meñ bhīgī dhuup lagī hai narm harī lachkīlī sī

kis ko ḳhabar maiñ kis raste kī dhuul banūñ yā phuul banūñ

kyā jaane kyā rañg dikhā.e us kī aañkh pahelī sī

tez havā kī dhaar se kaT kar kyā jaane kab gir jaa.e

lahrātī hai shāḳh-e-tamannā kachchī bel chamelī sī

kam raushan ik ḳhvāb ā.īna ik piilā murjhāyā phuul

pas-manzar ke sannāTe meñ ek nadī pathrīlī sī

ek pili chamkili chiDiya kali aankh nashili si

baiThi hai dariya ke kinare meri tarah akeli si

jab main nasheb-o-rang-o-bu mein utra us ki yaad ke sath

os mein bhigi dhup lagi hai narm hari lachkili si

kis ko KHabar main kis raste ki dhul banun ya phul banun

kya jaane kya rang dikhae us ki aankh paheli si

tez hawa ki dhaar se kaT kar kya jaane kab gir jae

lahraati hai shaKH-e-tamanna kachchi bel chameli si

kam raushan ek KHwab aaina ek pila murjhaya phul

pas-manzar ke sannaTe mein ek nadi pathrili si