ishq ko kashf kiya husn ka qail hua main

ishq ko kashf kiyā husn kā qaa.il huā maiñ

aur phir apne liye kalma-e-bātil huā maiñ

raas aatī nahīñ ab mere lahū ko koī ḳhaak

aisā is jism kā pāband-e-salāsil huā maiñ

saare asrār-e-fanā khulte rahe sub.h talak

raat ā.īna-e-hastī ke muqābil huā maiñ

aur phir merī ḳhamoshī meñ bhañvar paḌne lage

dam-e-ruḳhsat tirī āvāz kā sāhil huā maiñ

sahl kartā rahā jitnā bhī mujhe merā adam

kār-e-hastī kī tarah utnā hī mushkil huā maiñ

ishq ko kashf kiya husn ka qail hua main

aur phir apne liye kalma-e-baatil hua main

ras aati nahin ab mere lahu ko koi KHak

aisa is jism ka paband-e-salasil hua main

sare asrar-e-fana khulte rahe subh talak

raat aaina-e-hasti ke muqabil hua main

aur phir meri KHamoshi mein bhanwar paDne lage

dam-e-ruKHsat teri aawaz ka sahil hua main

sahl karta raha jitna bhi mujhe mera adam

kar-e-hasti ki tarah utna hi mushkil hua main