aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ishq mein la-jawab hain hum log

Jigar Moradabadi

ishq mein la-jawab hain hum log

Jigar Moradabadi

MORE BYJigar Moradabadi

    ishq meñ lā-javāb haiñ ham log

    māhtāb āftāb haiñ ham log

    garche ahl-e-sharāb haiñ ham log

    ye na samjho ḳharāb haiñ ham log

    shaam se aa ga.e jo piine par

    sub.h tak āftāb haiñ ham log

    ham ko dāvā-e-ishq-bāzī hai

    mustahiqq-e-azāb haiñ ham log

    naaz kartī hai ḳhāna-vīrānī

    aise ḳhāna-ḳharāb haiñ ham log

    ham nahīñ jānte ḳhizāñ kyā hai

    kushtagān-e-shabāb haiñ ham log

    hamārā javāb hai tanhā

    aur terā javāb haiñ ham log

    hai dariyā-e-husn-o-mahbūbī

    shakl-e-mauj-o-habāb haiñ ham log

    go sarāpā hijāb haiñ phir bhī

    tere ruḳh naqāb haiñ ham log

    ḳhuub ham jānte haiñ apnī qadr

    tere nā-kāmyāb haiñ ham log

    ham se ġhaflat na ho to phir kyā ho

    rah-rav-e-mulk-e-ḳhvāb haiñ ham log

    jāntā bhī hai us ko vaa.iz

    jis ke mast-o-ḳharāb haiñ ham log

    ham pe nāzil huā sahīfa-e-ishq

    sāhibān-e-kitāb haiñ ham log

    har haqīqat se jo guzar jaa.eñ

    vo sadāqat-ma.āb haiñ ham log

    jab milī aañkh hosh kho baiThe

    kitne hāzir-javāb haiñ ham log

    ham se pūchho 'jigar' sar-mastī

    mahram-e-āñ-janāb haiñ ham log

    ishq mein la-jawab hain hum log

    mahtab aaftab hain hum log

    garche ahl-e-sharab hain hum log

    ye na samjho KHarab hain hum log

    sham se aa gae jo pine par

    subh tak aaftab hain hum log

    hum ko dawa-e-ishq-bazi hai

    mustahiqq-e-azab hain hum log

    naz karti hai KHana-virani

    aise KHana-KHarab hain hum log

    hum nahin jaante KHizan kya hai

    kushtagan-e-shabab hain hum log

    tu hamara jawab hai tanha

    aur tera jawab hain hum log

    tu hai dariya-e-husn-o-mahbubi

    shakl-e-mauj-o-habab hain hum log

    go sarapa hijab hain phir bhi

    tere ruKH ki naqab hain hum log

    KHub hum jaante hain apni qadr

    tere na-kaamyab hain hum log

    hum se ghaflat na ho to phir kya ho

    rah-raw-e-mulk-e-KHwab hain hum log

    jaanta bhi hai us ko tu waiz

    jis ke mast-o-KHarab hain hum log

    hum pe nazil hua sahifa-e-ishq

    sahiban-e-kitab hain hum log

    har haqiqat se jo guzar jaen

    wo sadaqat-maab hain hum log

    jab mili aankh hosh kho baiThe

    kitne hazir-jawab hain hum log

    hum se puchho 'jigar' ki sar-masti

    mahram-e-an-janab hain hum log

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now