ja ke phir lauT jo aae wo zamana kaisa

jā ke phir lauT jo aa.e vo zamāna kaisā

terī āñkhoñ ne ye chheḌā hai fasāna kaisā

aañkh sarshār-e-tamannā hai to vā'da kar le

chaal kahtī hai ki ab lauT ke aanā kaisā

mujh se kahtā hai ki saa.e kī tarah saath haiñ ham

yuuñ na milne kā nikālā hai bahāna kaisā

us kā shikva to nahīñ hai na mile tum ham se

rañj us kā hai ki tum ne hameñ jaanā kaisā

ḳhud bhī sochā thā bahut us ne bhī pūchhā thā bahut

haal jab ḳhud hī na samjhe to sunānā kaisā

tujh ko paane kī havas thī so kise thā mā'lūm

apne hī aap ko kho baiTheñge paanā kaisā

ja ke phir lauT jo aae wo zamana kaisa

teri aankhon ne ye chheDa hai fasana kaisa

aankh sarshaar-e-tamanna hai to wa'da kar le

chaal kahti hai ki ab lauT ke aana kaisa

mujh se kahta hai ki sae ki tarah sath hain hum

yun na milne ka nikala hai bahana kaisa

us ka shikwa to nahin hai na mile tum hum se

ranj us ka hai ki tum ne hamein jaana kaisa

KHud bhi socha tha bahut us ne bhi puchha tha bahut

haal jab KHud hi na samjhe to sunana kaisa

tujh ko pane ki hawas thi so kise tha ma'lum

apne hi aap ko kho baiThenge pana kaisa