Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jam-e-tahi lahraya humne

Irfan Siddiqi

jam-e-tahi lahraya humne

Irfan Siddiqi

MORE BYIrfan Siddiqi

    jām-e-tahī lahrāyā ham ne

    kaisā jashn manāyā ham ne

    raat havā ke saath nikal kar

    halqa-e-dar khaḌkāyā ham ne

    chup galiyoñ meñ diiñ āvāzeñ

    shahr meñ shor machāyā ham ne

    ḳhaak the lekin lahar meñ aa kar

    raqs-e-junūñ farmāyā ham ne

    dekheñ kab hoñ ishq meñ kundan

    raakh to kar kaayā ham ne

    umr-e-sharar bekār na guzrī

    pal bhar to chamkāyā ham ne

    sab ko nishāna karte karte

    ḳhud ko maar girāyā ham ne

    tum se mile to ḳhud se ziyāda

    tum ko akelā paayā ham ne

    apne sar aan pe vaarī

    paañv se lipTī maayā ham ne

    ai shab-e-hijrāñ ab to ijāzat

    itnā saath nibhāyā ham ne

    jam-e-tahi lahraya hum ne

    kaisa jashn manaya hum ne

    raat hawa ke sath nikal kar

    halqa-e-dar khaDkaya hum ne

    chup galiyon mein din aawazen

    shahr mein shor machaya hum ne

    KHak the lekin lahar mein aa kar

    raqs-e-junun farmaya hum ne

    dekhen kab hon ishq mein kundan

    rakh to kar di kaya hum ne

    umr-e-sharar bekar na guzri

    pal bhar to chamkaya hum ne

    sab ko nishana karte karte

    KHud ko mar giraya hum ne

    tum se mile to KHud se ziyaada

    tum ko akela paya hum ne

    apne sar ki aan pe wari

    panw se lipTi maya hum ne

    ai shab-e-hijran ab to ijazat

    itna sath nibhaya hum ne

    Source :
    • Book : Hoshiyari Dil-e-Nadan Bahut Karta Hai (Pg. 60)
    • Author :Irfan Siddiqi
    • Publication : Rekhta Publications (2023)
    • Edition : 2nd
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now