jaan se guzre bhi to dariya se guzarenge tumhein
jaañ se guzre bhī to dariyā se guzāreñge tumheñ
saath mat chhoḌnā ham paar utāreñge tumheñ
tum suno yā na suno haath baḌhāo na baḌhāo
Dūbte Dūbte ik baar pukāreñge tumheñ
dil pe aatā hī nahīñ fasl-e-tarab meñ koī phuul
jaan, is shāḳh-e-shajar par to na vāreñge tumheñ
khel ye hai ki kise kaun sivā chāhtā hai
jiit jāoge to jaañ nazr guzāreñge tumheñ
kaisī zebā.ī hai jab se tumheñ chāhā ham ne
aur chāheñge tumheñ aur sanvāreñge tumheñ
ishq meñ ham koī da.avā nahīñ karte lekin
kam se kam mārka-e-jāñ meñ na hāreñge tumheñ
jaan se guzre bhi to dariya se guzarenge tumhein
sath mat chhoDna hum par utarenge tumhein
tum suno ya na suno hath baDhao na baDhao
Dubte Dubte ek bar pukarenge tumhein
dil pe aata hi nahin fasl-e-tarab mein koi phul
jaan, is shaKH-e-shajar par to na warenge tumhein
khel ye hai ki kise kaun siwa chahta hai
jit jaoge to jaan nazr guzarenge tumhein
kaisi zebai hai jab se tumhein chaha hum ne
aur chahenge tumhein aur sanwarenge tumhein
ishq mein hum koi dawa nahin karte lekin
kam se kam marka-e-jaan mein na haarenge tumhein
- Book : Hoshiyari Dil-e-Nadan Bahut Karta Hai (Pg. 68)
- Author :Irfan Siddiqi
- Publication : Rekhta Publications (2023)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
