jaane wale se rabta rah jae

jaane vaale se rābta rah jaa.e

ghar kī dīvār par diyā rah jaa.e

ik nazar jo bhī dekh le tujh ko

vo tire ḳhvāb dekhtā rah jaa.e

itnī girheñ lagī haiñ is dil par

koī khole to kholtā rah jaa.e

koī kamre meñ aag tāptā ho

koī bārish meñ bhīgtā rah jaa.e

niiñd aisī ki raat kam paḌ jaa.e

ḳhvāb aisā ki muñh khulā rah jaa.e

jhiil saif-ul-mulūk par jā.ūñ

aur kamre meñ camera rah jaa.e

jaane wale se rabta rah jae

ghar ki diwar par diya rah jae

ek nazar jo bhi dekh le tujh ko

wo tere KHwab dekhta rah jae

itni girhen lagi hain is dil par

koi khole to kholta rah jae

koi kamre mein aag tapta ho

koi barish mein bhigta rah jae

nind aisi ki raat kam paD jae

KHwab aisa ki munh khula rah jae

jhil saif-ul-muluk par jaun

aur kamre mein camera rah jae