jao main tum se bolti hi nahin

jaao maiñ tum se boltī hī nahīñ

tum mohabbat ke aadmī hī nahīñ

tum to aise batā rahe ho mujhe

maiñ to jaise paḌhī likhī hī nahīñ

maiñ ne dil meñ utar ke dekhā hai

vo mohabbat to ab rahī hī nahīñ

roz ham chaa.e saath piite the

baat aage kabhī baḌhī hī nahīñ

ab to tum bhī samajh ga.e hoge

maiñ tumhāre liye banī hī nahīñ

is ko ḳhud hī jagānā paḌtā hai

varna qismat to jāgtī hī nahīñ

paanī jaisā mizāj hai us kā

'ishq kī aag phailtī hī nahīñ

apnī tā'rīf aise karte ho

jaise maiñ tum ko jāntī hī nahīñ

bachche kitne sharīr ho ga.e haiñ

kaisī maañ hai ki DāñTtī hī nahīñ

jao main tum se bolti hi nahin

tum mohabbat ke aadmi hi nahin

tum to aise bata rahe ho mujhe

main to jaise paDhi likhi hi nahin

main ne dil mein utar ke dekha hai

wo mohabbat to ab rahi hi nahin

roz hum chae sath pite the

baat aage kabhi baDhi hi nahin

ab to tum bhi samajh gae hoge

main tumhaare liye bani hi nahin

is ko KHud hi jagana paDta hai

warna qismat to jagti hi nahin

pani jaisa mizaj hai us ka

'ishq ki aag phailti hi nahin

apni ta'rif aise karte ho

jaise main tum ko jaanti hi nahin

bachche kitne sharir ho gae hain

kaisi man hai ki DanTti hi nahin