jab hawa shab ko badalti hui pahlu aai
jab havā shab ko badaltī huī pahlū aa.ī
muddatoñ apne badan se tirī ḳhushbū aa.ī
mere naġhmāt kī taqdīr na pahuñche tujh tak
merī fariyād kī qismat ki tujhe chhū aa.ī
apnī āñkhoñ se lagātī haiñ zamāne ke qadam
shahr kī rāh-guzāroñ meñ mirī ḳhū aa.ī
haañ namāzoñ kā asar dekh liyā pichhlī raat
maiñ idhar ghar se gayā thā ki udhar tū aa.ī
muzhda ai dil kisī pahlū to qarār aa hī gayā
manzil-e-dār kaTī sā'at-e-gesū aa.ī
jab hawa shab ko badalti hui pahlu aai
muddaton apne badan se teri KHushbu aai
mere naghmat ki taqdir na pahunche tujh tak
meri fariyaad ki qismat ki tujhe chhu aai
apni aankhon se lagati hain zamane ke qadam
shahr ki rah-guzaron mein meri KHu aai
han namazon ka asar dekh liya pichhli raat
main idhar ghar se gaya tha ki udhar tu aai
muzhda ai dil kisi pahlu to qarar aa hi gaya
manzil-e-dar kaTi sa'at-e-gesu aai
- Book : Kulliyat-e-Mustafa Zaidi(Qaba-e-Saaz) (Pg. 76)
- Author : Mustafa Zaidi
- Publication : Alhamd Publications (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
