jaise use qubul tha karna paDa mujhe

jaise use qubūl thā karnā paḌā mujhe

har zāviye se ḳhud ko badalnā paḌā mujhe

yādoñ kī rail aur kahīñ jā rahī thī phir

zanjīr khīñch kar hī utarnā paḌā mujhe

har hādse ke ba.ad koī hādisa huā

har hādse ke ba.ad sambhalnā paḌā mujhe

chāhā thā us ne merī udāsī hasīn ho

huzn-o-malāl meñ bhī nikharnā paḌā mujhe

pahle mukar ga.ī maiñ kisī aur baat se

phir apnī baat se bhī mukarnā paḌā mujhe

jaise use qubul tha karna paDa mujhe

har zawiye se KHud ko badalna paDa mujhe

yaadon ki rail aur kahin ja rahi thi phir

zanjir khinch kar hi utarna paDa mujhe

har hadse ke baad koi hadisa hua

har hadse ke baad sambhalna paDa mujhe

chaha tha us ne meri udasi hasin ho

huzn-o-malal mein bhi nikharna paDa mujhe

pahle mukar gai main kisi aur baat se

phir apni baat se bhi mukarna paDa mujhe