jalne lage KHala mein hawaon ke naqsh-e-pa

jalne lage ḳhalā meñ havāoñ ke naqsh-e-pā

sūraj kā haath shaam kī gardan pe jā paḌā

chhat par pighal ke jam ga.ī ḳhvāboñ kī chāñdnī

kamre kā dard hāñpte sāyoñ ko khā gayā

bistar meñ ek chāñd tarāshā thā lams ne

us ne uThā ke chaa.e ke cup meñ Dubo diyā

har aañkh meñ thī TūTte lamhoñ kī tishnagī

har jism pe thā vaqt kā saaya paḌā huā

dekhā thā sab ne Dūbne vaale ko duur duur

paanī kī uñgliyoñ ne kināre ko chhū liyā

aa.egī raat muñh pe siyāhī male hue

rakh degā din bhī haath meñ kāġhaz phaTā huā

jalne lage KHala mein hawaon ke naqsh-e-pa

suraj ka hath sham ki gardan pe ja paDa

chhat par pighal ke jam gai KHwabon ki chandni

kamre ka dard hanpte sayon ko kha gaya

bistar mein ek chand tarasha tha lams ne

us ne uTha ke chae ke cup mein Dubo diya

har aankh mein thi TuTte lamhon ki tishnagi

har jism pe tha waqt ka saya paDa hua

dekha tha sab ne Dubne wale ko dur dur

pani ki ungliyon ne kinare ko chhu liya

aaegi raat munh pe siyahi male hue

rakh dega din bhi hath mein kaghaz phaTa hua