جنگ جاری ہے خاندانوں میں
جنگ جاری ہے خاندانوں میں
غیر محفوظ ہوں مکانوں میں
لفظ پتھرا گئے ہیں ہونٹوں پر
لوگ کیا کہہ گئے ہیں کانوں میں
رات گھر میں تھی سر پھری آندھی
صرف کانٹے ہیں پھول دانوں میں
معبدوں کی خبر نہیں مجھ کو
خیریت ہے شراب خانوں میں
اب سپر ڈھونڈ کوئی اپنے لیے
تیر کم رہ گئے کمانوں میں
ناخدا کیا خدا رکھے محفوظ
وہ ہوائیں ہیں بادبانوں میں
دال چننے میں ہاتھ آئیں گے
جتنے کنکر ہیں کارخانوں میں
ڈھونڈتا پھر رہا ہوں خالی ہاتھ
جانے کیا چیز ان دکانوں میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
