jo aansuon ki zaban ko miyan samajhne lage

jo āñsuoñ kī zabāñ ko miyāñ samajhne lage

samundaroñ kā vo dard-e-nihāñ samajhne lage

ye jab se jaanā ki zahr-e-badan nikaltā hai

ham āñsuoñ ko bhī jins-e-girāñ samajhne lage

jo Tapke dāman-e-hastī pe ashk-e-ḳhūñ mere

to ahl-e-zar use gul-kāriyāñ samajhne lage

saroñ pe oḌh ke mazdūr dhuup kī chādar

ḳhud apne sar pe use sā.ebāñ samajhne lage

shajar ko apnī zamīñ se lipaT ke rahnā hai

ye baat uḌte parinde kahāñ samajhne lage

maiñ chup huā thā ki Takrāv ḳhatm ho jaa.e

vo mere sabr ko kamzoriyāñ samajhne lage

vo jab se aa ga.e mehmān ban ke ā.ankhoñ meñ

ham apne dil ke khañDar ko makāñ samajhne lage

jo aansuon ki zaban ko miyan samajhne lage

samundaron ka wo dard-e-nihan samajhne lage

ye jab se jaana ki zahr-e-badan nikalta hai

hum aansuon ko bhi jins-e-giran samajhne lage

jo Tapke daman-e-hasti pe ashk-e-KHun mere

to ahl-e-zar use gul-kariyan samajhne lage

saron pe oDh ke mazdur dhup ki chadar

KHud apne sar pe use saeban samajhne lage

shajar ko apni zamin se lipaT ke rahna hai

ye baat uDte parinde kahan samajhne lage

main chup hua tha ki Takraw KHatm ho jae

wo mere sabr ko kamzoriyan samajhne lage

wo jab se aa gae mehman ban ke aaankhon mein

hum apne dil ke khanDar ko makan samajhne lage