jo bel mere qad se hai upar lagi hui

jo bel mere qad se hai uupar lagī huī

afsos har bisāt se bāhar lagī huī

us kī tapish ne aur bhī sulgā rakhā hai kuchh

jo aag hai makān se bāhar lagī huī

sunte haiñ us ne DhūñDh liyā aur koī ghar

ab tak jo aañkh thī tire dar par lagī huī

pahchān kī nahīñ hai ye irfān kī hai baat

taḳhtī koī nahīñ mire ghar par lagī huī

ab ke bahār aane ke imkān haiñ ki hai

har pairahan pe chashm-e-rafū-gar lagī huī

is baar tuul khīñch ga.ī jañg agar to kyā

is baar shart bhī to hai baḌh kar lagī huī

manhūs ek shakl hai jis se nahīñ farār

parchhā.īñ kī tarah se barābar lagī huī

tere hī chaar samt nahīñ hai hisār-e-jabr

pābandī-e-jamāl hai sab par lagī huī

jo bel mere qad se hai upar lagi hui

afsos har bisat se bahar lagi hui

us ki tapish ne aur bhi sulga rakha hai kuchh

jo aag hai makan se bahar lagi hui

sunte hain us ne DhunDh liya aur koi ghar

ab tak jo aankh thi tere dar par lagi hui

pahchan ki nahin hai ye irfan ki hai baat

taKHti koi nahin mere ghar par lagi hui

ab ke bahaar aane ke imkan hain ki hai

har pairahan pe chashm-e-rafu-gar lagi hui

is bar tul khinch gai jang agar to kya

is bar shart bhi to hai baDh kar lagi hui

manhus ek shakl hai jis se nahin farar

parchhain ki tarah se barabar lagi hui

tere hi chaar samt nahin hai hisar-e-jabr

pabandi-e-jamal hai sab par lagi hui