jo charagh sare bujha chuke unhen intizar kahan raha

jo charāġh saare bujhā chuke unheñ intizār kahāñ rahā

ye sukūñ kā daur-e-shadīd hai koī be-qarār kahāñ rahā

jo duā ko haath uThā.e bhī to murād yaad na aa sakī

kisī kārvāñ kā jo zikr thā vo pas-e-ġhubār kahāñ rahā

ye tulū-e-roz-e-malāl hai so gila bhī kis se kareñge ham

koī dilrubā koī dil-shikan koī dil-figār kahāñ rahā

koī baat ḳhvāb-o-ḳhayāl kī jo karo to vaqt kaTegā ab

hameñ mausamoñ ke mizāj par koī e'tibār kahāñ rahā

hameñ kū-ba-kū jo liye phirī kisī naqsh-e-pā kī talāsh thī

koī āftāb thā zau-fagan sar-e-rahguzār kahāñ rahā

magar ek dhun to lagī rahī na ye dil dukhā na gila huā

ki nigah ko rañg-e-bahār par koī iḳhtiyār kahāñ rahā

sar-e-dasht hī rahā tishna-lab jise zindagī kī talāsh thī

jise zindagī kī talāsh thī lab-e-jūebār kahāñ rahā

jo charagh sare bujha chuke unhen intizar kahan raha

ye sukun ka daur-e-shadid hai koi be-qarar kahan raha

jo dua ko hath uThae bhi to murad yaad na aa saki

kisi karwan ka jo zikr tha wo pas-e-ghubar kahan raha

ye tulu-e-roz-e-malal hai so gila bhi kis se karenge hum

koi dilruba koi dil-shikan koi dil-figar kahan raha

koi baat KHwab-o-KHayal ki jo karo to waqt kaTega ab

hamein mausamon ke mizaj par koi e'tibar kahan raha

hamein ku-ba-ku jo liye phiri kisi naqsh-e-pa ki talash thi

koi aaftab tha zau-fagan sar-e-rahguzar kahan raha

magar ek dhun to lagi rahi na ye dil dukha na gila hua

ki nigah ko rang-e-bahaar par koi iKHtiyar kahan raha

sar-e-dasht hi raha tishna-lab jise zindagi ki talash thi

jise zindagi ki talash thi lab-e-juebar kahan raha