jo ghair the wo isi baat par hamare hue
jo ġhair the vo isī baat par hamāre hue
ki ham se dost bahut be-ḳhabar hamāre hue
kise ḳhabar vo mohabbat thī yā raqābat thī
bahut se log tujhe dekh kar hamāre hue
ab ik hujūm-e-shikasta-dilāñ hai saath apne
jinheñ koī na milā ham-safar hamāre hue
kisī ne ġham to kisī ne mizāj-e-ġham baḳhshā
sab apnī apnī jagah chāragar hamāre hue
bujhā ke taaq kī sham.eñ na dekh tāroñ ko
isī junūñ meñ to barbād ghar hamāre hue
vo e'timād kahāñ se 'farāz' lā.eñge
kisī ko chhoḌ ke vo ab agar hamāre hue
jo ghair the wo isi baat par hamare hue
ki hum se dost bahut be-KHabar hamare hue
kise KHabar wo mohabbat thi ya raqabat thi
bahut se log tujhe dekh kar hamare hue
ab ek hujum-e-shikasta-dilan hai sath apne
jinhen koi na mila ham-safar hamare hue
kisi ne gham to kisi ne mizaj-e-gham baKHsha
sab apni apni jagah chaaragar hamare hue
bujha ke taq ki shamen na dekh taron ko
isi junun mein to barbaad ghar hamare hue
wo e'timad kahan se 'faraaz' laenge
kisi ko chhoD ke wo ab agar hamare hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
