jo guzar dushman hai us ka rahguzar rakkha hai nam

jo guzar dushman hai us kā rahguzar rakkhā hai naam

zaat se apnī na hilne kā safar rakkhā hai naam

paḌ gayā hai ik bhañvar us ko samajh baiThe haiñ ghar

lahr uThī hai lahr kā dīvār-o-dar rakkhā hai naam

naam jis kā bhī nikal jaa.e usī par hai madār

us kā honā yā na honā kyaa, magar rakkhā hai naam

ham yahāñ ḳhud aa.e haiñ laayā nahīñ koī hameñ

aur ḳhudā kā ham ne apne naam par rakkhā hai naam

chāk-e-chākī dekh kar pairāhan-e-pahnā.ī kī

maiñ ne apne har nafs kā baḳhiya-gar rakkhā hai naam

merā siina koī chhalnī bhī agar kar de to kyā

maiñ ne to ab apne siine kā sipar rakkhā hai naam

din hue par tū kahīñ honā kisī bhī shakl meñ

jaag kar ḳhvāboñ ne terā raat bhar rakkhā hai naam

jo guzar dushman hai us ka rahguzar rakkha hai nam

zat se apni na hilne ka safar rakkha hai nam

paD gaya hai ek bhanwar us ko samajh baiThe hain ghar

lahr uThi hai lahr ka diwar-o-dar rakkha hai nam

nam jis ka bhi nikal jae usi par hai madar

us ka hona ya na hona kya, magar rakkha hai nam

hum yahan KHud aae hain laya nahin koi hamein

aur KHuda ka hum ne apne nam par rakkha hai nam

chaak-e-chaaki dekh kar pairahan-e-pahnai ki

main ne apne har nafs ka baKHiya-gar rakkha hai nam

mera sina koi chhalni bhi agar kar de to kya

main ne to ab apne sine ka sipar rakkha hai nam

din hue par tu kahin hona kisi bhi shakl mein

jag kar KHwabon ne tera raat bhar rakkha hai nam