aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jo wo nazar basar-e-lutf aam ho jae

Hasrat Mohani

jo wo nazar basar-e-lutf aam ho jae

Hasrat Mohani

MORE BYHasrat Mohani

    jo vo nazar basar-e-lutf aam ho jaa.e

    ajab nahīñ ki hamārā bhī kaam ho jaa.e

    sharāb-e-shauq qīmat hai naqd-e-jān-e-azīz

    agar ye bā.is-e-kaif-e-davām ho jaa.e

    rahīn-e-yās raheñ ahl-e-ārzū kab tak

    kabhī to aap darbār aam ho jaa.e

    jo aur kuchh ho tirī diid ke sivā manzūr

    to mujh pe ḳhvāhish-e-jannat harām ho jaa.e

    vo duur se hameñ dekh leñ yahī hai bahut

    magar qubūl hamārā salām ho jaa.e

    agar vo husn-e-dil-ārā kabhī ho jalva farosh

    faroġh-e-nūr meñ gum zarf-e-bām ho jaa.e

    sunā hai bar-sar-e-baḳhshish hai aaj piir muġhāñ

    hameñ bhī kaash atā koī jaam ho jaa.e

    tire karam pe hai mauqūf kāmrāni-e-shauq

    ye nā-tamām ilāhī tamām ho jaa.e

    sitam ke baad karam hai jafā ke baad atā

    hameñ hai bas jo yahī iltizām ho jaa.e

    atā ho soz vo rab junūn-e-'hasrat' ko

    ki jis se puḳhta ye saudā-e-ḳhām ho jaa.e

    jo wo nazar basar-e-lutf aam ho jae

    ajab nahin ki hamara bhi kaam ho jae

    sharab-e-shauq ki qimat hai naqd-e-jaan-e-aziz

    agar ye bais-e-kaif-e-dawam ho jae

    rahin-e-yas rahen ahl-e-arzu kab tak

    kabhi to aap ka darbar aam ho jae

    jo aur kuchh ho teri did ke siwa manzur

    to mujh pe KHwahish-e-jannat haram ho jae

    wo dur hi se hamein dekh len yahi hai bahut

    magar qubul hamara salam ho jae

    agar wo husn-e-dil-ara kabhi ho jalwa farosh

    farogh-e-nur mein gum zarf-e-baam ho jae

    suna hai bar-sar-e-baKHshish hai aaj pir mughan

    hamein bhi kash ata koi jam ho jae

    tere karam pe hai mauquf kaamrani-e-shauq

    ye na-tamam ilahi tamam ho jae

    sitam ke baad karam hai jafa ke baad ata

    hamein hai bas jo yahi iltizam ho jae

    ata ho soz wo ya rab junun-e-'hasrat' ko

    ki jis se puKHta ye sauda-e-KHam ho jae

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now