aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

juda rahta hun main tujhse to dil be-tab rahta hai

Munawwar Rana

juda rahta hun main tujhse to dil be-tab rahta hai

Munawwar Rana

MORE BYMunawwar Rana

    judā rahtā huuñ maiñ tujh se to dil be-tāb rahtā hai

    chaman se duur rah ke phuul kab shādāb rahtā hai

    añdhere aur ujāle kahānī sirf itnī hai

    jahāñ mahbūb rahtā hai vahīñ mahtāb rahtā hai

    muqaddar meñ likhā kar laa.e haiñ ham boriyā lekin

    tasavvur meñ hamesha resham-o-kam-ḳhvāb rahtā hai

    hazāroñ bastiyāñ aa jā.eñgī tūfān zad meñ

    mirī āñkhoñ meñ ab aañsū nahīñ sailāb rahtā hai

    bhale lagte haiñ schōloñ uniform meñ bachche

    kañval ke phuul se jaise bharā tālāb rahtā hai

    ye bāzār-e-havas hai tum yahāñ kaise chale aa.e

    ye sone dukāneñ haiñ yahāñ tezāb rahtā hai

    hamārī har pareshānī inhī logoñ ke dam se hai

    hamāre saath ye jo halqa-e-ahbāb rahtā hai

    baḌī mushkil se aate haiñ samajh meñ lucknow vaale

    diloñ meñ fāsle lab par magar ādāb rahtā hai

    juda rahta hun main tujh se to dil be-tab rahta hai

    chaman se dur rah ke phul kab shadab rahta hai

    andhere aur ujale ki kahani sirf itni hai

    jahan mahbub rahta hai wahin mahtab rahta hai

    muqaddar mein likha kar lae hain hum boriya lekin

    tasawwur mein hamesha resham-o-kam-KHwab rahta hai

    hazaron bastiyan aa jaengi tufan ki zad mein

    meri aankhon mein ab aansu nahin sailab rahta hai

    bhale lagte hain schoolon ki uniform mein bachche

    kanwal ke phul se jaise bhara talab rahta hai

    ye bazar-e-hawas hai tum yahan kaise chale aae

    ye sone ki dukanen hain yahan tezab rahta hai

    hamari har pareshani inhi logon ke dam se hai

    hamare sath ye jo halqa-e-ahbab rahta hai

    baDi mushkil se aate hain samajh mein lucknow wale

    dilon mein fasle lab par magar aadab rahta hai

    Source:

    Sukhan Sarai (Pg. 108)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now