juda thi baam se diwar dar akela tha

judā thī baam se dīvār dar akelā thā

makīñ the ḳhud meñ magan aur ghar akelā thā

thī aarzū ki rahūñ jabr se mahāz-ārā

maiñ Dar gayā ki ye lambā safar akelā thā

nigāh-e-ġhair jise mo'tabar bahut Thahrī

use maiñ kaise dikhātā nagar akelā thā

kahāñ talak maiñ shujā.at kī daad detā yahāñ

ki us kī saarī sipah maiñ idhar akelā thā

bahut maze meñ rahe sar-nigūñ ḳhajil paude

havā-e-tez kī zad meñ shajar akelā thā

abas sharīk thā be-vaqt razm meñ 'shāhīñ'

dayār-e-ġhair meñ vo be-ḳhabar akelā thā

juda thi baam se diwar dar akela tha

makin the KHud mein magan aur ghar akela tha

thi aarzu ki rahun jabr se mahaz-ara

main Dar gaya ki ye lamba safar akela tha

nigah-e-ghair jise mo'tabar bahut Thahri

use main kaise dikhata nagar akela tha

kahan talak main shujaat ki dad deta yahan

ki us ki sari sipah main idhar akela tha

bahut maze mein rahe sar-nigun KHajil paude

hawa-e-tez ki zad mein shajar akela tha

abas sharik tha be-waqt razm mein 'shahin'

dayar-e-ghair mein wo be-KHabar akela tha