junun se guzarne ko ji chahta hai

junūñ se guzarne ko jī chāhtā hai

hañsī zabt karne ko jī chāhtā hai

jahāñ ishq meñ Duub kar rah ga.e haiñ

vahīñ phir ubharne ko jī chāhtā hai

vo ham se ḳhafā haiñ ham un se ḳhafā haiñ

magar baat karne ko jī chāhtā hai

hai muddat se be-rañg naqsh-e-mohabbat

koī rañg bharne ko jī chāhtā hai

ba-īñ ḳhud-sarī vo ġhurūr-e-mohabbat

unheñ sajda karne ko jī chāhtā hai

qazā muzhda-e-zindagī le ke aa.e

kuchh is tarah marne ko jī chāhtā hai

nizām-e-do-ālam kī ho ḳhair yā-rab

phir ik aah karne ko jī chāhtā hai

gunāh-e-mukarrar 'shakīl' allāh allāh

bigaḌ kar sañvarne ko jī chāhtā hai

junun se guzarne ko ji chahta hai

hansi zabt karne ko ji chahta hai

jahan ishq mein Dub kar rah gae hain

wahin phir ubharne ko ji chahta hai

wo hum se KHafa hain hum un se KHafa hain

magar baat karne ko ji chahta hai

hai muddat se be-rang naqsh-e-mohabbat

koi rang bharne ko ji chahta hai

ba-in KHud-sari wo ghurur-e-mohabbat

unhen sajda karne ko ji chahta hai

qaza muzhda-e-zindagi le ke aae

kuchh is tarah marne ko ji chahta hai

nizam-e-do-alam ki ho KHair ya-rab

phir ek aah karne ko ji chahta hai

gunah-e-mukarrar 'shakil' allah allah

bigaD kar sanwarne ko ji chahta hai