junun ziyaada bahut hota aql kam hoti

junūñ ziyāda bahut hotā aql kam hotī

maiñ qahqaha bhī lagātā to aañkh nam hotī

hazāroñ chāñd sitāre chamak ga.e hote

kabhī nazar jo tirī mā.il-e-karam hotī

nahīñ hai maslahat-e-ġham ko aarzū tirī

tirā jo ġham bhī na hotā to aañkh nam hotī

har ek zahr ko tum ne banā diyā tiryāk

jo tum na hote har ik saañs merī sam hotī

Thahar na jaatā agar maiñ farāz par 'māmūn'

talāsh-e-ġham bhī mirī hāsil-e-adam hotī

junun ziyaada bahut hota aql kam hoti

main qahqaha bhi lagata to aankh nam hoti

hazaron chand sitare chamak gae hote

kabhi nazar jo teri mail-e-karam hoti

nahin hai maslahat-e-gham ko aarzu teri

tera jo gham bhi na hota to aankh nam hoti

har ek zahr ko tum ne bana diya tiryak

jo tum na hote har ek sans meri sam hoti

Thahar na jata agar main faraaz par 'mamun'

talash-e-gham bhi meri hasil-e-adam hoti