kabe se mujhko lae sawad-e-kunisht mein

ka.abe se mujh ko laa.e savād-e-kunisht meñ

islāh dī butoñ ne ḳhat-e-sar-navisht meñ

phirte haiñ kūcha-e-but-e-qudsī-sarisht meñ

dīvāne lāteñ maar rahe bahisht meñ

kaffāra-e-sharāb maiñ detā huuñ naqd-e-hosh

sargarm huuñ talāfī-e-a.amāl-e-zisht meñ

aksar jazā-e-sajda meñ khānī haiñ Thokareñ

likkhā hai kyā ḳhat-e-kaf-e-pā sarnavisht meñ

hūroñ se garmiyāñ jo kahūñ us sharīr kī

lag jaa.e aag ātish-e-gul se bahisht meñ

suntī hai roz naġhma-e-zanjīr-e-āshiqāñ

vo zulf bhī hai silsila-e-ahl-e-chisht meñ

zindāñ se āñkheñ señkne us gul ke ghar ga.e

dozaḳh se aag lene chale ham bahisht meñ

begāne ik hamīñ nazar aa.e pas-e-fanā

bedardoñ kā hujūm hai bāġh-e-bahisht meñ

but-ḳhāne meñ safedī-e-husn-e-farañg hai

girje kī raushnī hai savād-e-kunisht meñ

jal jal ke ḳhaak hote haiñ be-ashk-o-āh ham

āb-o-havā nahīñ hai hamārī sarisht meñ

garmī meñ tere kūcha-nashīnoñ ke vāste

pañkhe haiñ qudsiyoñ ke paroñ ke bahisht meñ

sonā kasā.ūñ ashrafī-e-dāġh-e-sajda kā

sañg-e-mahak lagā.ūñ binā-e-kunisht meñ

bijlī chamak ga.ī jo hañsī meñ phaḌak ga.e

shoḳhī bharī huī hai tumhārī sarisht meñ

tasvīreñ terī dast-e-hinā.ī kī le ga.e

chhāpe lahū ke ham ne lagā.e bahisht meñ

kartī haiñ ḳhuun charḳh butoñ kī ta.alliyāñ

rañg-e-shafaq lagātī hai saqf-e-kunisht meñ

abr-e-bahār jauhar-e-shamshīr-e-yār the

gulhā-e-zaḳhm khil ga.e urdī-bahisht meñ

taqdīr meñ hai terī dahān-o-kamar kā ishq

sirr-e-nihāñ likhā hai mirī sarnavisht meñ

dī jaan ek huur ke bose kī chaaT par

qismat ne mujh ko zahr diyā hai bahisht meñ

choroñ se guftugū-e-ḳhat-e-sabz-e-yār hai

tuutī kisī kā bol rahā hai bahisht meñ

adnā ġhulām-e-shāh-e-vilāyat hue 'munīr'

dasht-e-najaf kī ḳhaak hai merī sarisht meñ

kabe se mujh ko lae sawad-e-kunisht mein

islah di buton ne KHat-e-sar-nawisht mein

phirte hain kucha-e-but-e-qudsi-sarisht mein

diwane laten mar rahe bahisht mein

kaffara-e-sharab main deta hun naqd-e-hosh

sargarm hun talafi-e-amal-e-zisht mein

aksar jaza-e-sajda mein khani hain Thokaren

likkha hai kya KHat-e-kaf-e-pa sarnawisht mein

huron se garmiyan jo kahun us sharir ki

lag jae aag aatish-e-gul se bahisht mein

sunti hai roz naghma-e-zanjir-e-ashiqan

wo zulf bhi hai silsila-e-ahl-e-chisht mein

zindan se aankhen senkne us gul ke ghar gae

dozaKH se aag lene chale hum bahisht mein

begane ek hamin nazar aae pas-e-fana

bedardon ka hujum hai bagh-e-bahisht mein

but-KHane mein safedi-e-husn-e-farang hai

girje ki raushni hai sawad-e-kunisht mein

jal jal ke KHak hote hain be-ashk-o-ah hum

aab-o-hawa nahin hai hamari sarisht mein

garmi mein tere kucha-nashinon ke waste

pankhe hain qudsiyon ke paron ke bahisht mein

sona kasaun ashrafi-e-dagh-e-sajda ka

sang-e-mahak lagaun bina-e-kunisht mein

bijli chamak gai jo hansi mein phaDak gae

shoKHi bhari hui hai tumhaari sarisht mein

taswiren teri dast-e-hinai ki le gae

chhape lahu ke hum ne lagae bahisht mein

karti hain KHun charKH buton ki talliyan

rang-e-shafaq lagati hai saqf-e-kunisht mein

abr-e-bahaar jauhar-e-shamshir-e-yar the

gulha-e-zaKHm khil gae urdi-bahisht mein

taqdir mein hai teri dahan-o-kamar ka ishq

sirr-e-nihan likha hai meri sarnawisht mein

di jaan ek hur ke bose ki chaT par

qismat ne mujh ko zahr diya hai bahisht mein

choron se guftugu-e-KHat-e-sabz-e-yar hai

tuti kisi ka bol raha hai bahisht mein

adna ghulam-e-shah-e-wilayat hue 'munir'

dasht-e-najaf ki KHak hai meri sarisht mein