kafi nahin KHutut kisi baat ke liye

kaafī nahīñ ḳhutūt kisī baat ke liye

tashrīf lā.iyegā mulāqāt ke liye

duniyā meñ kyā kisī se kisī ko ġharaz nahīñ

har koī jī rahā hai faqat zaat ke liye

ham bārgāh-e-nāz meñ us be-niyāz kī

paidā kiye ga.e haiñ shikāyāt ke liye

haiñ pattharoñ kī zad pe tumhārī galī meñ ham

kyā aa.e the yahāñ isī barsāt ke liye

apnī taraf se kuchh bhī unhoñ ne nahīñ kahā

ham ne javāb sirf savālāt ke liye

raushan karo na shaam se pahle charāġh-e-jām

din ke liye ye chiiz hai yā raat ke liye

mahñgā.ī rāh-e-rāst pe le aa.ī khīñch kar

bachtī nahīñ raqam burī ādāt ke liye

karne ke kaam kyuuñ nahīñ karte 'shu.ūr' tum

kyā zindagī milī hai ḳhurāfāt ke liye

kafi nahin KHutut kisi baat ke liye

tashrif laiyega mulaqat ke liye

duniya mein kya kisi se kisi ko gharaz nahin

har koi ji raha hai faqat zat ke liye

hum bargah-e-naz mein us be-niyaz ki

paida kiye gae hain shikayat ke liye

hain pattharon ki zad pe tumhaari gali mein hum

kya aae the yahan isi barsat ke liye

apni taraf se kuchh bhi unhon ne nahin kaha

hum ne jawab sirf sawalat ke liye

raushan karo na sham se pahle charagh-e-jam

din ke liye ye chiz hai ya raat ke liye

mahngai rah-e-rast pe le aai khinch kar

bachti nahin raqam buri aadat ke liye

karne ke kaam kyun nahin karte 'shuur' tum

kya zindagi mili hai KHurafat ke liye