kab se ulajh rahe hain dam-e-wapsin se hum

kab se ulajh rahe haiñ dam-e-vāpsīñ se ham

do ashk poñchhne ko tirī āstīñ se ham

hogā tumhārā naam hī unvān-e-har-varaq

aurāq-e-zindagī ko ulaT deñ kahīñ se ham

sañg-e-dar-e-adū pe hamārī jabīñ nahīñ

ye sajde kar rahe haiñ tumhārī jabīñ se ham

dohrā.ī jā sakegī na ab dāstān-e-ishq

kuchh vo kahīñ se bhuul ga.e haiñ kahīñ se ham

'bismil' harīm-e-husn meñ haiñ kām-yāb-e-shauq

josh-e-shabāb o rañg-e-ruḳh-e-ātishīñ se ham

kab se ulajh rahe hain dam-e-wapsin se hum

do ashk ponchhne ko teri aastin se hum

hoga tumhaara nam hi unwan-e-har-waraq

auraq-e-zindagi ko ulaT den kahin se hum

sang-e-dar-e-adu pe hamari jabin nahin

ye sajde kar rahe hain tumhaari jabin se hum

dohrai ja sakegi na ab dastan-e-ishq

kuchh wo kahin se bhul gae hain kahin se hum

'bismil' harim-e-husn mein hain kaam-yab-e-shauq

josh-e-shabab o rang-e-ruKH-e-atishin se hum