kabhi hanste nahin kabhi rote nahin kabhi koi gunah nahin karte

kabhī hañste nahīñ kabhī rote nahīñ kabhī koī gunāh nahīñ karte

hameñ sub.h kahāñ se mile ki kabhī koī raat siyāh nahīñ karte

hāthoñ se uThāte haiñ jo makāñ āñkhoñ se girāte rahte haiñ

sahrāoñ ke rahne vaale ham shahroñ se nibāh nahīñ karte

bekār sī miTTī kā ik Dher bane baiThe rahte haiñ ham

kabhī ḳhaak uḌāte nahīñ apnī kabhī dasht kī raah nahīñ karte

jī meñ ho to dar par rahte haiñ varna āvāra phirte haiñ

ham ishq us se karte haiñ magar koī bā-tanḳhvāh nahīñ karte

ye terā merā jhagḌā hai duniyā ko biich meñ kyuuñ Dāleñ

ghar ke andar kī bātoñ par ġhairoñ ko gavāh nahīñ karte

kabhi hanste nahin kabhi rote nahin kabhi koi gunah nahin karte

hamein subh kahan se mile ki kabhi koi raat siyah nahin karte

hathon se uThate hain jo makan aankhon se giraate rahte hain

sahraon ke rahne wale hum shahron se nibah nahin karte

bekar si miTTi ka ek Dher bane baiThe rahte hain hum

kabhi KHak uDate nahin apni kabhi dasht ki rah nahin karte

ji mein ho to dar par rahte hain warna aawara phirte hain

hum ishq us se karte hain magar koi ba-tanKHwah nahin karte

ye tera mera jhagDa hai duniya ko bich mein kyun Dalen

ghar ke andar ki baaton par ghairon ko gawah nahin karte