kabhi na KHud ko bad-andesh-e-dasht-o-dar rakkha

kabhī na ḳhud ko bad-andesh-e-dasht-o-dar rakkhā

utar ke chaah meñ pātāl kā safar rakkhā

yahī bahut the mujhe naan o aab o sham.a o gul

safar-nazhād thā asbāb muḳhtasar rakkhā

havā-e-shām-e-dil-āzār ko asiir kiyā

aur us ko dasht meñ pan-chakkiyoñ ke ghar rakkhā

vo ek reg-gazīda sī nahr chalne lagī

jo maiñ ne chuum ke paikāñ kamān par rakkhā

vo aa.ī aur vahīñ tāqchoñ meñ phuul rakhe

jo maiñ ne nazr ke patthar pe jānvar rakkhā

jabīñ ke zaḳhm pe misqāl-e-ḳhāk rakkhī aur

ik alvidā kā shugūñ us ke haath par rakkhā

giraft tez rakkhī raḳhsh-e-umr par maiñ ne

bajā.e jumbish-e-mahmez-e-nīshtar rakkhā

kabhi na KHud ko bad-andesh-e-dasht-o-dar rakkha

utar ke chah mein patal ka safar rakkha

yahi bahut the mujhe nan o aab o shama o gul

safar-nazhad tha asbab muKHtasar rakkha

hawa-e-sham-e-dil-azar ko asir kiya

aur us ko dasht mein pan-chakkiyon ke ghar rakkha

wo ek reg-gazida si nahr chalne lagi

jo main ne chum ke paikan kaman par rakkha

wo aai aur wahin taqchon mein phul rakhe

jo main ne nazr ke patthar pe jaanwar rakkha

jabin ke zaKHm pe misqal-e-KHak rakkhi aur

ek alwida ka shugun us ke hath par rakkha

giraft tez rakkhi raKHsh-e-umr par main ne

bajae jumbish-e-mahmez-e-nishtar rakkha