kabhi ranj-o-gham kabhi nafraten mujhe tujhse kya kya mila nahin

kabhī ranj-o-ġham kabhī nafrateñ mujhe tujh se kyā kyā milā nahīñ

mire ham-nafas mirī zindagī mujhe phir bhī koī gila nahīñ

koī jashn koī ḳhushī na thī sabhī muskurāhaTeñ qaid thiiñ

vo bahār kaisī bahār thī koī phuul jis meñ khilā nahīñ

mire dard ko jo samajh sake mirī chāhatoñ ko parakh sake

kabhī aaj tak mujhe dahr meñ koī dost aisā milā nahīñ

na to ranj-o-ġham se hī rabt hai na hī āshnā-e-ḳhushī huuñ maiñ

mirī zindagī bhī ajiib hai ise manziloñ kā patā nahīñ

ho yaqīn yāroñ pe kis tarah sabhī āstīnoñ ke saañp haiñ

ai 'salīm' daur-e-jadīd meñ kahīñ naam ko bhī vafā nahīñ

kabhi ranj-o-gham kabhi nafraten mujhe tujh se kya kya mila nahin

mere ham-nafas meri zindagi mujhe phir bhi koi gila nahin

koi jashn koi KHushi na thi sabhi muskurahaTen qaid thin

wo bahaar kaisi bahaar thi koi phul jis mein khila nahin

mere dard ko jo samajh sake meri chahaton ko parakh sake

kabhi aaj tak mujhe dahr mein koi dost aisa mila nahin

na to ranj-o-gham se hi rabt hai na hi aashna-e-KHushi hun main

meri zindagi bhi ajib hai ise manzilon ka pata nahin

ho yaqin yaron pe kis tarah sabhi aastinon ke sanp hain

ai 'salim' daur-e-jadid mein kahin nam ko bhi wafa nahin