kaha jhunjhla ke ahl-e-qafila se ek rahbar ne

kahā jhuñjhlā ke ahl-e-qāfila se ek rahbar ne

abhī to pahlī manzil hai abhī se kyuuñ lage Darne

mukammal dāstāñ kā iḳhtisār itnā hī kaafī hai

sulāyā shor-e-duniyā ne jagāyā shor-e-mahshar ne

sar-e-dīvār-e-zindāñ chāñdnī chhantī thī pattoñ se

diyā thā qaid meñ kyā lutf aisī shab ke manzar ne

zamāne kī kashākash kā diyā paiham pata mujh ko

kahīñ TuuTe hue dil ne kahīñ TuuTe hue sar ne

haiñ kitnī muḳhtalif bāham tabā.e nasl insāñ kī

rahe ma.azūr ab tak jo chale the tajziye karne

fidā-e-rañg-o-roġhan sat.h-bīiñ se kyā ġharaz us ko

jagah dī jis ko chashm o dil meñ har ik ahl-e-jauhar ne

kaha jhunjhla ke ahl-e-qafila se ek rahbar ne

abhi to pahli manzil hai abhi se kyun lage Darne

mukammal dastan ka iKHtisar itna hi kafi hai

sulaya shor-e-duniya ne jagaya shor-e-mahshar ne

sar-e-diwar-e-zindan chandni chhanti thi patton se

diya tha qaid mein kya lutf aisi shab ke manzar ne

zamane ki kashakash ka diya paiham pata mujh ko

kahin TuTe hue dil ne kahin TuTe hue sar ne

hain kitni muKHtalif baham tabae nasl insan ki

rahe mazur ab tak jo chale the tajziye karne

fida-e-rang-o-roghan sath-biin se kya gharaz us ko

jagah di jis ko chashm o dil mein har ek ahl-e-jauhar ne