kahan ka sabr sau sau bar diwanon ke dil TuTe
kahāñ kā sabr sau sau baar dīvānoñ ke dil TuuTe
shikast-e-dil ke ḳhadshe hī se nā-dānoñ ke dil TuuTe
gire haiñ TuuT kar kuchh aa.ine shāḳhoñ kī palkoñ se
ye kis kī aah thī kyuuñ shabnamistānoñ ke dil TuuTe
is ārā.ish se to kuchh aur ubhrī un kī vīrānī
babūloñ par bahār aa.ī to vīrānoñ ke dil TuuTe
vo mahrūmī kā josh-e-ḳhvāb-parvar ab kahāñ baaqī
bar aa.iiñ itnī ummīdeñ ki armānoñ ke dil TuuTe
unheñ apne gudāz-e-dil se andāza thā auroñ kā
jab insānoñ ke dil dekhe to insānoñ ke dil TuuTe
qafas se husn-e-gul ke qadr-dāñ ab tak nahīñ palTe
shagūfoñ ke tabassum se gulistānoñ ke dil TuuTe
'ziyā' apnī tabāhī par unheñ bhī naaz the kyā kyā
hameñ dekhā to sahrāoñ bayābānoñ ke dil TuuTe
kahan ka sabr sau sau bar diwanon ke dil TuTe
shikast-e-dil ke KHadshe hi se na-danon ke dil TuTe
gire hain TuT kar kuchh aaine shaKHon ki palkon se
ye kis ki aah thi kyun shabnamistanon ke dil TuTe
is aaraish se to kuchh aur ubhri un ki virani
babulon par bahaar aai to viranon ke dil TuTe
wo mahrumi ka josh-e-KHwab-parwar ab kahan baqi
bar aain itni ummiden ki armanon ke dil TuTe
unhen apne gudaz-e-dil se andaza tha auron ka
jab insanon ke dil dekhe to insanon ke dil TuTe
qafas se husn-e-gul ke qadr-dan ab tak nahin palTe
shagufon ke tabassum se gulistanon ke dil TuTe
'ziya' apni tabahi par unhen bhi naz the kya kya
hamein dekha to sahraon bayabanon ke dil TuTe
- Book : sar-e-shaam se pas-e-harf tak (Pg. 83)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
