kahne se na mana kar kahunga

kahne se na man.a kar kahūñgā

tū merī na sun magar kahūñgā

tum aap hī aa.e yuuñ hī sach hai

naale ko na be-asar kahūñgā

gar kuchh bhī suneñge vo shab-e-vasl

kyā kyā na meñ tā-sahar kahūñgā

kahte haiñ jo chāhte haiñ dushman

maiñ aur tumheñ fitna-gar kahūñgā

kahte to ye ho ki tū hai achchhā

mānoge burā agar kahūñgā

yuuñ dekh ke mujh ko muskurānā

phir tum ko maiñ be-ḳhabar kahūñgā

ik baat likhī hai kyā hī maiñ ne

tujh se to na nāma-bar kahūñgā

kab tum to kahoge mujh se pūchho

maiñ bā.is-e-dard-e-sar kahūñgā

tujh se hī chhupā.ūñgā ġham apnā

tujh se hī kahūñgā gar kahūñgā

ma.alūm hai mujh ko jo kahoge

maiñ tum se bhī pesh-tar kahūñgā

hairat se kuchh un se kah sakūñgā

bhūlūñgā kā idhar udhar kahūñgā

kuchh dard-e-jigar kā hogā baa.is

kyuuñ tujh se maiñ chāra-gar kahūñgā

ab hāl-e-'nizām' kuchh na pūchho

ġham hogā tumheñ bhī gar kahūñgā

kahne se na mana kar kahunga

tu meri na sun magar kahunga

tum aap hi aae yun hi sach hai

nale ko na be-asar kahunga

gar kuchh bhi sunenge wo shab-e-wasl

kya kya na mein ta-sahar kahunga

kahte hain jo chahte hain dushman

main aur tumhein fitna-gar kahunga

kahte to ye ho ki tu hai achchha

manoge bura agar kahunga

yun dekh ke mujh ko muskurana

phir tum ko main be-KHabar kahunga

ek baat likhi hai kya hi main ne

tujh se to na nama-bar kahunga

kab tum to kahoge mujh se puchho

main bais-e-dard-e-sar kahunga

tujh se hi chhupaunga gham apna

tujh se hi kahunga gar kahunga

malum hai mujh ko jo kahoge

main tum se bhi pesh-tar kahunga

hairat se kuchh un se kah sakunga

bhulunga ka idhar udhar kahunga

kuchh dard-e-jigar ka hoga bais

kyun tujh se main chaara-gar kahunga

ab haal-e-'nizam' kuchh na puchho

gham hoga tumhein bhi gar kahunga