kashakash-e-gham-e-hasti mein koi kya sunta

kashākash-e-ġham-e-hastī meñ koī kyā suntā

hamīñ tak aa na sakī dil ke TūTne kī sadā

har ek phuul ke chehre pe gard jamne lagī

kahīñ se aaj ai abr-e-bahār jhuum ke aa

chale the jis ke bharose pe rah-ravān-e-bahār

vo māhtāb sar-e-dasht pichhlī shab niklā

kahīñ sadā-e-jaras hai na gard-e-rāh-e-safar

Thahar gayā hai kahāñ qāfila tamannā kā

hujūm-e-lāla-o-gul rāste se haT jaa.e

talāsh-e-ḳhār meñ niklā hai koī ābla-pā

guzar ke aayā huuñ un saḳht manziloñ se jahāñ

tumhārī yaad kā saaya bhī ās-pās na thā

kahīñ se koī pukāre ki aaj phir 'shāhīn'

diloñ ko Dasne lagā hai diloñ kā sannāTā

kashakash-e-gham-e-hasti mein koi kya sunta

hamin tak aa na saki dil ke TuTne ki sada

har ek phul ke chehre pe gard jamne lagi

kahin se aaj ai abr-e-bahaar jhum ke aa

chale the jis ke bharose pe rah-rawan-e-bahaar

wo mahtab sar-e-dasht pichhli shab nikla

kahin sada-e-jaras hai na gard-e-rah-e-safar

Thahar gaya hai kahan qafila tamanna ka

hujum-e-lala-o-gul raste se haT jae

talash-e-KHar mein nikla hai koi aabla-pa

guzar ke aaya hun un saKHt manzilon se jahan

tumhaari yaad ka saya bhi aas-pas na tha

kahin se koi pukare ki aaj phir 'shahin'

dilon ko Dasne laga hai dilon ka sannaTa