KHizan ka qarz to ek ik daraKHt par hai yahan
ḳhizāñ kā qarz to ik ik daraḳht par hai yahāñ
ye aur baat ki har shāḳh bār-var hai yahāñ
jo soch saktā hai vo zehn jal rahā hai abhī
jo dekh saktī hai vo aañkh ḳhuuñ meñ tar hai yahāñ
sunegā kaun in āñkhoñ kī be-sadā fariyād
samā.atoñ kā to andāz hī digar hai yahāñ
satāyā aaj munāsib jagah pe bārish ne
isī bahāne Thahar jaa.eñ us kā ghar hai yahāñ
hisār-e-jism se bāhar bhī zindagī hai mujhe
ye aur baat ki ehsās mo'tabar hai yahāñ
KHizan ka qarz to ek ek daraKHt par hai yahan
ye aur baat ki har shaKH bar-war hai yahan
jo soch sakta hai wo zehn jal raha hai abhi
jo dekh sakti hai wo aankh KHun mein tar hai yahan
sunega kaun in aankhon ki be-sada fariyaad
samaaton ka to andaz hi digar hai yahan
sataya aaj munasib jagah pe barish ne
isi bahane Thahar jaen us ka ghar hai yahan
hisar-e-jism se bahar bhi zindagi hai mujhe
ye aur baat ki ehsas mo'tabar hai yahan
- Book : Be Sada Fariyad (Pg. 65)
- Author : Iqbal Ashhar Qureshi
- Publication : Sarvottam Marketing in Corporation Vivekanand Nagar Kamti, Mumbai (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
