KHushi bhi ab sarapa gham lage hai
ḳhushī bhī ab sarāpā ġham lage hai
tavajjoh aap kī kuchh kam lage hai
koī hamdam nahīñ duniyā meñ lekin
jise dekho vahī hamdam lage hai
maiñ huuñ majbūr apne dil se mujh ko
parāyā ġham bhī apnā ġham lage hai
bahāreñ haiñ chaman meñ gul ba-dāmāñ
ḳhizāñ kā sā magar mausam lage hai
jidhar dekho udhar shabnam ke aañsū
chaman kyā hai saf-e-mātam lage hai
har ik majbūr se kah do ye 'as.ad'
har ik maġhrūr kā sar ḳham lage hai
KHushi bhi ab sarapa gham lage hai
tawajjoh aap ki kuchh kam lage hai
koi hamdam nahin duniya mein lekin
jise dekho wahi hamdam lage hai
main hun majbur apne dil se mujh ko
paraya gham bhi apna gham lage hai
bahaaren hain chaman mein gul ba-daman
KHizan ka sa magar mausam lage hai
jidhar dekho udhar shabnam ke aansu
chaman kya hai saf-e-matam lage hai
har ek majbur se kah do ye 'asad'
har ek maghrur ka sar KHam lage hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
