KHwab bunta rahun main bistar par

ḳhvāb buntā rahūñ maiñ bistar par

aur takiya karūñ muqaddar par

mhv-e-parvāz hai ye dil aur maiñ

jaañ chhiḌaktā huuñ is kabūtar par

umr-bhar dekhte rahe saa.e

dhuup paḌtī rahī mire sar par

ḳhud se mushkil huā suḳhan karnā

vaqt vo aa paḌā suḳhan-var par

niiñd uḌne lagī hai āñkhoñ se

dhuul jamne lagī hai bistar par

ḳhaak hone se pesh-tar 'ġhā.er'

naqsh ho jā.ūñ kyuuñ na patthar par

KHwab bunta rahun main bistar par

aur takiya karun muqaddar par

mhw-e-parwaz hai ye dil aur main

jaan chhiDakta hun is kabutar par

umr-bhar dekhte rahe sae

dhup paDti rahi mere sar par

KHud se mushkil hua suKHan karna

waqt wo aa paDa suKHan-war par

nind uDne lagi hai aankhon se

dhul jamne lagi hai bistar par

KHak hone se pesh-tar 'ghaer'

naqsh ho jaun kyun na patthar par