ki wafa yar se ek ek jafa ke badle

kī vafā yaar se ek ek jafā ke badle

ham ne gin gin ke liye ḳhūn-e-vafā ke badle

kī supurd-e-dar-e-but-ḳhāna ajal ne mirī ḳhaak

kis ko sauñpā mujhe zālim ne ḳhudā ke badle

lutf-e-bedād hayā ġhussa taġhāful shoḳhī

rañg kyā kyā na talavvun ne adā ke badle

haa.e maiñ kushta-e-andāz huuñ yā rab kis kā

huur aa.ī mujhe lene ko qazā ke badle

tiir se teġh se ḳhanjar se sināñ se maarā

ka.ī pahlū mire qātil ne qazā ke badle

kafan ai gard-e-lahad dekh na mailā ho jaa.e

aaj hī ham ne ye kapḌe haiñ nahā ke badle

ishq allāh bachā.e vo maraz hai 'fānī'

zahr bīmār ko dete haiñ davā ke badle

ki wafa yar se ek ek jafa ke badle

hum ne gin gin ke liye KHun-e-wafa ke badle

ki supurd-e-dar-e-but-KHana ajal ne meri KHak

kis ko saunpa mujhe zalim ne KHuda ke badle

lutf-e-bedad haya ghussa taghaful shoKHi

rang kya kya na talawwun ne ada ke badle

hae main kushta-e-andaz hun ya rab kis ka

hur aai mujhe lene ko qaza ke badle

tir se tegh se KHanjar se sinan se mara

kai pahlu mere qatil ne qaza ke badle

kafan ai gard-e-lahad dekh na maila ho jae

aaj hi hum ne ye kapDe hain naha ke badle

ishq allah bachae wo maraz hai 'fani'

zahr bimar ko dete hain dawa ke badle