kisa-e-darwesh mein jo bhi hai zar utna hi hai

kīsa-e-darvesh meñ jo bhī hai zar utnā hī hai

aur dekhā jaa.e to mujh ko ḳhatar utnā hī hai

paañv rakhne ke liye koī jagah to chāhiye

shahr ke is baab meñ merā guzar utnā hī hai

maiñ jahāñ pahuñchā nahīñ aise bhī vīrāne batā

dost apnā rishta-e-dīvār-o-dar utnā hī hai

ek musht-e-ḳhāk ye aur vo havā-e-tund-o-tez

aur tirā ehsān merī zaat par utnā hī hai

is galī se us galī tak dauḌtā rahtā huuñ maiñ

raat utnī hī mayassar hai safar utnā hī hai

kisa-e-darwesh mein jo bhi hai zar utna hi hai

aur dekha jae to mujh ko KHatar utna hi hai

panw rakhne ke liye koi jagah to chahiye

shahr ke is bab mein mera guzar utna hi hai

main jahan pahuncha nahin aise bhi virane bata

dost apna rishta-e-diwar-o-dar utna hi hai

ek musht-e-KHak ye aur wo hawa-e-tund-o-tez

aur tera ehsan meri zat par utna hi hai

is gali se us gali tak dauDta rahta hun main

raat utni hi mayassar hai safar utna hi hai