aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kisi surat numud-e-soz-e-pinhani nahin jati

Jigar Moradabadi

kisi surat numud-e-soz-e-pinhani nahin jati

Jigar Moradabadi

MORE BYJigar Moradabadi

    kisī sūrat numūd-e-soz-e-pinhānī nahīñ jaatī

    bujhā jaatā hai dil chehre tābānī nahīñ jaatī

    nahīñ jaatī kahāñ tak fikr-e-insānī nahīñ jaatī

    magar apnī haqīqat aap pahchānī nahīñ jaatī

    nigāhoñ ko ḳhizāñ-nā-āshnā banñā to aa jaa.e

    chaman jab tak chaman hai jalva-sāmānī nahīñ jaatī

    pashīmān-e-sitam vo dil dil meñ rahte haiñ lekin

    ḳhushā husne ki tarz-e-nā-pashīmānī nahīñ jaatī

    mizāj-e-ahl-e-dil be-kaif-o-mastī rah nahīñ saktā

    ki jaise nik.hat-e-gul se pareshānī nahīñ jaatī

    sadāqat ho to dil sīnoñ se khiñchne lagte haiñ vaa.iz

    haqīqat ḳhud ko manvā letī hai maanī nahīñ jaatī

    bulandī chāhiye insān fitrat meñ poshīda

    koī ho bhes lekin shān-e-sultānī nahīñ jaatī

    ga.e vo din ki dil sarmāya-dār-e-dard-e-paiham thā

    magar āñkhoñ ab tak mīr-sāmānī nahīñ jaatī

    jise raunaq tire qadmoñ ne de kar chhīn raunaq

    vo laakh ābād ho us ghar vīrānī nahīñ jaatī

    vo yuuñ dil se guzarte haiñ ki aahaT tak nahīñ hotī

    vo yuuñ āvāz dete haiñ ki pahchānī nahīñ jaatī

    mujhe to kar diyā sairāb saaqī ne mire lekin

    mirī sairābiyoñ tishna-sāmānī nahīñ jaatī

    nahīñ ma.alūm kis aalam meñ husn-e-yār dekhā thā

    koī aalam ho lekin dil hairānī nahīñ jaatī

    jale jaate haiñ baḌh baḌh kar miTe jaate haiñ gir gir kar

    huzūr-e-sham.a parvānoñ nādānī nahīñ jaatī

    mohabbat meñ ik aisā vaqt bhī dil par guzartā hai

    ki aañsū ḳhushk ho jaate haiñ tuġhyānī nahīñ jaatī

    'jigar' vo bhī ze-sar-tā-pā mohabbat mohabbat haiñ

    magar un mohabbat saaf pahchānī nahīñ jaatī

    kisi surat numud-e-soz-e-pinhani nahin jati

    bujha jata hai dil chehre ki tabani nahin jati

    nahin jati kahan tak fikr-e-insani nahin jati

    magar apni haqiqat aap pahchani nahin jati

    nigahon ko KHizan-na-ashna banna to aa jae

    chaman jab tak chaman hai jalwa-samani nahin jati

    pashiman-e-sitam wo dil hi dil mein rahte hain lekin

    KHusha husne ki tarz-e-na-pashimani nahin jati

    mizaj-e-ahl-e-dil be-kaif-o-masti rah nahin sakta

    ki jaise nikhat-e-gul se pareshani nahin jati

    sadaqat ho to dil sinon se khinchne lagte hain waiz

    haqiqat KHud ko manwa leti hai mani nahin jati

    bulandi chahiye insan ki fitrat mein poshida

    koi ho bhes lekin shan-e-sultani nahin jati

    gae wo din ki dil sarmaya-dar-e-dard-e-paiham tha

    magar aankhon ki ab tak mir-samani nahin jati

    jise raunaq tere qadmon ne de kar chhin li raunaq

    wo lakh aabaad ho us ghar ki virani nahin jati

    wo yun dil se guzarte hain ki aahaT tak nahin hoti

    wo yun aawaz dete hain ki pahchani nahin jati

    mujhe to kar diya sairab saqi ne mere lekin

    meri sairabiyon ki tishna-samani nahin jati

    nahin malum kis aalam mein husn-e-yar dekha tha

    koi aalam ho lekin dil ki hairani nahin jati

    jale jate hain baDh baDh kar miTe jate hain gir gir kar

    huzur-e-shama parwanon ki nadani nahin jati

    mohabbat mein ek aisa waqt bhi dil par guzarta hai

    ki aansu KHushk ho jate hain tughyani nahin jati

    'jigar' wo bhi ze-sar-ta-pa mohabbat hi mohabbat hain

    magar un ki mohabbat saf pahchani nahin jati

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now