kohsar-e-taghaful ko sada kaT rahi hai
kohsār-e-taġhāful ko sadā kaaT rahī hai
hairāñ huuñ ki patthar ko havā kaaT rahī hai
peshāni-e-sāhil pe koī naam na ubhre
har mauj samundar kā likhā kaaT rahī hai
alfāz kī dhartī pe huuñ mafhūm-gazīda
ab jism pe kāġhaz kī qabā kaaT rahī hai
har ruuh pas-e-parda-e-tartīb-e-anāsir
nā-karda gunāhoñ kī sazā kaaT rahī hai
fankār kā ḳhuuñ dāman-e-taḳhlīq pe goyā
tasvīr musavvir kā galā kaaT rahī hai
mahjūb haiñ maġhrūr daraḳhtoñ kī qatāreñ
har shāḳh ko shamshīr-e-anā kaaT rahī hai
kohsar-e-taghaful ko sada kaT rahi hai
hairan hun ki patthar ko hawa kaT rahi hai
peshani-e-sahil pe koi nam na ubhre
har mauj samundar ka likha kaT rahi hai
alfaz ki dharti pe hun mafhum-gazida
ab jism pe kaghaz ki qaba kaT rahi hai
har ruh pas-e-parda-e-tartib-e-anasir
na-karda gunahon ki saza kaT rahi hai
fankar ka KHun daman-e-taKHliq pe goya
taswir musawwir ka gala kaT rahi hai
mahjub hain maghrur daraKHton ki qataren
har shaKH ko shamshir-e-ana kaT rahi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
