aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

koi dawa na de sake mashwara-e-dua diya

Hafeez Jalandhari

koi dawa na de sake mashwara-e-dua diya

Hafeez Jalandhari

MORE BYHafeez Jalandhari

    koī davā na de sake mashvara-e-duā diyā

    chāragaroñ ne aur bhī dard dil baḌhā diyā

    donoñ ko de ke sūrateñ saath aa.ina diyā

    ishq bisorne lagā husn ne muskurā diyā

    zauq-e-nigāh ke sivā shauq-e-gunāh ke sivā

    mujh ko butoñ se kyā milā mujh ko ḳhudā ne kyā diyā

    thī na ḳhizāñ rok-thām dāman-e-iḳhtiyār meñ

    ham ne bharī bahār meñ apnā chaman luTā diyā

    husn-e-nazar aabrū san.at-e-barhaman se hai

    jis ko sanam banā liyā us ko ḳhudā banā diyā

    daaġh hai mujh pe ishq merā gunāh bhī to dekh

    us nigāh bhī to dekh jis ne ye gul khilā diyā

    ishq mamlikat meñ hai shorish-e-aql-e-nā-murād

    ubhrā kahīñ jo ye fasād dil ne vahīñ dabā diyā

    naqsh-e-vafā to maiñ thā ab mujhe DhūñDte ho kyā

    harf-e-ġhalat nazar paḌā tum ne mujhe miTā diyā

    ḳhubs-e-darūñ dikhā diyā har dahan-e-ġhalīz ne

    kuchh na kahā 'hafīz' ne hañs diyā muskurā diyā

    koi dawa na de sake mashwara-e-dua diya

    chaaragaron ne aur bhi dard dil ka baDha diya

    donon ko de ke suraten sath hi aaina diya

    ishq bisorne laga husn ne muskura diya

    zauq-e-nigah ke siwa shauq-e-gunah ke siwa

    mujh ko buton se kya mila mujh ko KHuda ne kya diya

    thi na KHizan ki rok-tham daman-e-iKHtiyar mein

    hum ne bhari bahaar mein apna chaman luTa diya

    husn-e-nazar ki aabru sanat-e-barhaman se hai

    jis ko sanam bana liya us ko KHuda bana diya

    dagh hai mujh pe ishq ka mera gunah bhi to dekh

    us ki nigah bhi to dekh jis ne ye gul khila diya

    ishq ki mamlikat mein hai shorish-e-aql-e-na-murad

    ubhra kahin jo ye fasad dil ne wahin daba diya

    naqsh-e-wafa to main hi tha ab mujhe DhunDte ho kya

    harf-e-ghalat nazar paDa tum ne mujhe miTa diya

    KHubs-e-darun dikha diya har dahan-e-ghaliz ne

    kuchh na kaha 'hafiz' ne hans diya muskura diya

    Source:

    Kulliyat-e-Hafeez Jalandhari (Pg. 436)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now