koi din ka aab-o-dana aur hai
koī din kā āb-o-dāna aur hai
phir chaman aur āshiyāna aur hai
haañ dil-e-be-tāb chande intizār
amn-o-rāhat kā Thikāna aur hai
sham.a phīkī raat kam mahfil udaas
ab muġhannī kā tarāna aur hai
ai javānī tū kahānī ho ga.ī
ham nahīñ vo yā zamāna aur hai
jis ko jān-e-zindagānī kah sakeñ
vo hayāt-e-jāvedāna aur hai
jis ko sun kar zohra-e-sañg aab ho
aah vo ġhamgīñ fasāna aur hai
vā agar samā-e-razā ho to kahūñ
ek pand-e-mushfiqāna aur hai
ittifāqī hai yahāñ kā irtibāt
sab haiñ begāne yagāna aur hai
koi din ka aab-o-dana aur hai
phir chaman aur aashiyana aur hai
han dil-e-be-tab chande intizar
amn-o-rahat ka Thikana aur hai
shama phiki raat kam mahfil udas
ab mughanni ka tarana aur hai
ai jawani tu kahani ho gai
hum nahin wo ya zamana aur hai
jis ko jaan-e-zindagani kah saken
wo hayat-e-jawedana aur hai
jis ko sun kar zohra-e-sang aab ho
aah wo ghamgin fasana aur hai
wa agar sama-e-raza ho to kahun
ek pand-e-mushfiqana aur hai
ittifaqi hai yahan ka irtibaat
sab hain begane yagana aur hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
