koi puchhe to na kahna ki abhi zinda hun

koī pūchhe to na kahnā ki abhī zinda huuñ

vaqt kī kokh meñ ik lamha-e-ā.inda huuñ

zindagī kitnī hasīñ kitnī baḌī ne.amat hai

aah maiñ huuñ ki use pā ke bhī sharminda huuñ

kyā adā hone ko hai sunnat-e-ibrāhīmī

aag hī aag hai har samt magar zinda huuñ

zindagī tū jo sunegī to hañsī aa.egī

maiñ samajhtā huuñ ki maiñ terā numā.inda huuñ

tez raftār havāoñ ke laboñ se pūchho

harf-e-āḳhir huuñ maiñ ik naġhma-e-pā.inda huuñ

ajnabī jaan ke har shaḳhs guzar jaatā hai

aur sadiyoñ se isī shahr kā bāshinda huuñ

jaane kin tez ujāloñ meñ nahāyā thā kabhī

is qadar saḳht añdheroñ meñ bhī tābinda huuñ

koi puchhe to na kahna ki abhi zinda hun

waqt ki kokh mein ek lamha-e-ainda hun

zindagi kitni hasin kitni baDi neamat hai

aah main hun ki use pa ke bhi sharminda hun

kya ada hone ko hai sunnat-e-ibrahimi

aag hi aag hai har samt magar zinda hun

zindagi tu jo sunegi to hansi aaegi

main samajhta hun ki main tera numainda hun

tez raftar hawaon ke labon se puchho

harf-e-aKHir hun main ek naghma-e-painda hun

ajnabi jaan ke har shaKHs guzar jata hai

aur sadiyon se isi shahr ka bashinda hun

jaane kin tez ujalon mein nahaya tha kabhi

is qadar saKHt andheron mein bhi tabinda hun