koi saya na koi ham-saya
koī saaya na koī ham-sāya
āb-o-dāna ye kis jagah laayā
dost bhī mere achchhe achchhe haiñ
ik muḳhālif bahut pasand aayā
halkā halkā sā ik ḳhayāl sā kuchh
bhīnī bhīnī sī dhuup aur chhāyā
ik adā thī ki raah roktī thī
ik anā thī ki jis ne uksāyā
ham bhī sāhib dilāñ meñ aate haiñ
ye tire ruup kī hai sab maayā
chal paḌe haiñ to chal paḌe sā.īñ
koī saudā na koī sarmāyā
us kī mahfil to merī mahfil thī
bas jahāñ-dāriyoñ se uktāyā
sab ne tārīf kī mirī 'shahpar'
aur maiñ ahmaq bahut hī sharmāyā
koi saya na koi ham-saya
aab-o-dana ye kis jagah laya
dost bhi mere achchhe achchhe hain
ek muKHalif bahut pasand aaya
halka halka sa ek KHayal sa kuchh
bhini bhini si dhup aur chhaya
ek ada thi ki rah rokti thi
ek ana thi ki jis ne uksaya
hum bhi sahib dilan mein aate hain
ye tere rup ki hai sab maya
chal paDe hain to chal paDe sain
koi sauda na koi sarmaya
us ki mahfil to meri mahfil thi
bas jahan-dariyon se uktaya
sab ne tarif ki meri 'shahpar'
aur main ahmaq bahut hi sharmaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
