koi tohmat ho mere nam chali aati hai
koī tohmat ho mire naam chalī aatī hai
jaise bāzār meñ har ghar se galī aatī hai
tirī yaad aatī hai ab koī kahānī ban kar
yā kisī nazm ke sāñche meñ Dhalī aatī hai
ab bhī pahle kī tarah pesh-rav-e-rañg-o-sadā
ek muñh-band sī be-rañg kalī aatī hai
chal ke dekheñ to sahī kaun hai ye duḳhtar-e-raz
roz-e-avval se jo bad-nām chalī aatī hai
ye mire karb kā aalam rahe yārab ābād
is zamīñ se bū-e-aulād-e-'alī' aatī hai
koi tohmat ho mere nam chali aati hai
jaise bazar mein har ghar se gali aati hai
teri yaad aati hai ab koi kahani ban kar
ya kisi nazm ke sanche mein Dhali aati hai
ab bhi pahle ki tarah pesh-raw-e-rang-o-sada
ek munh-band si be-rang kali aati hai
chal ke dekhen to sahi kaun hai ye duKHtar-e-raz
roz-e-awwal se jo bad-nam chali aati hai
ye mere karb ka aalam rahe yarab aabaad
is zamin se bu-e-aulad-e-'ali' aati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
