kutton se KHitab

fikr-e-anjām na kar ghuum ke sansār meñ bhauñk

radio T-v meñ aur media star meñ bhauñk

park meñ road par aur kūcha-o-bāzār meñ bhauñk

sard ho jazba-e-millat to na be-kār meñ bhauñk

roz be-ḳhauf-o-ḳhatar mahfil-e-aġhyār meñ bhauñk

mauqa mil jaa.e to europe ke seminar meñ bhauñk

rāt-bhar saadh le dam sub.h ke aḳhbār meñ bhauñk

dhārmik lai meñ mahāpurshoñ ke darbār meñ bhauñk

dum na terī uThe auhām-parastoñ kī taraf

aañkh terī na rahe rām-parastoñ kī taraf

ruḳh tirā sīdhā ho islām-parastoñ kī taraf

bhuul kar dekh na asnām-parastoñ kī taraf

jab tirī bhauñk kī europe se sadā aatī hai

asian qaum tirī kitnā sukūñ paatī hai

fikr-e-anjam na kar ghum ke sansar mein bhaunk

radio T-w mein aur media star mein bhaunk

park mein road par aur kucha-o-bazar mein bhaunk

sard ho jazba-e-millat to na be-kar mein bhaunk

roz be-KHauf-o-KHatar mahfil-e-aghyar mein bhaunk

mauqa mil jae to europe ke seminar mein bhaunk

raat-bhar sadh le dam subh ke aKHbar mein bhaunk

dhaarmik lai mein mahapurshon ke darbar mein bhaunk

dum na teri uThe auham-paraston ki taraf

aankh teri na rahe ram-paraston ki taraf

ruKH tera sidha ho islam-paraston ki taraf

bhul kar dekh na asnam-paraston ki taraf

jab teri bhaunk ki europe se sada aati hai

asian qaum teri kitna sukun pati hai