kya abhi kahiyega mujhko apna saudai ki bas

kyā abhī kahiyegā mujh ko apnā saudā.ī ki bas

aur kuchh madd-e-nazar hai apnī rusvā.ī ki bas

chaudhvīñ kā chāñd phūloñ kī mahak ThanDī havā

raat us kāfir adā kī aisī yaad aa.ī ki bas

ham ko to manzūr hai hī apnī taskīn-e-nazar

hai magar un ko bhī vo shauq-e-ḳhud-ārā.ī ki bas

jab mujhe dekhā unheñ sharm aa ga.ī ghabrā ga.e

vo huī hai ḳhair se donoñ ki rusvā.ī ki bas

ab bhī koh-e-tūr par goyā zabān-e-hāl se

hai koī aur us ke jalve kā tamannā.ī ki bas

chaak karne hī ko thā maiñ dāman-e-hosh-o-ḳhirad

jaane kis kī mere kānoñ meñ sadā aa.ī ki bas

aaj vahshat se mirī ghabrā ga.e vo bhī 'ra.īs'

aaj to ḳhud par mujhe itnī hañsī aa.ī ki bas

kya abhi kahiyega mujh ko apna saudai ki bas

aur kuchh madd-e-nazar hai apni ruswai ki bas

chaudhwin ka chand phulon ki mahak ThanDi hawa

raat us kafir ada ki aisi yaad aai ki bas

hum ko to manzur hai hi apni taskin-e-nazar

hai magar un ko bhi wo shauq-e-KHud-arai ki bas

jab mujhe dekha unhen sharm aa gai ghabra gae

wo hui hai KHair se donon ki ruswai ki bas

ab bhi koh-e-tur par goya zaban-e-haal se

hai koi aur us ke jalwe ka tamannai ki bas

chaak karne hi ko tha main daman-e-hosh-o-KHirad

jaane kis ki mere kanon mein sada aai ki bas

aaj wahshat se meri ghabra gae wo bhi 'rais'

aaj to KHud par mujhe itni hansi aai ki bas