kya kya fareb dil ko diye iztirab mein

kyā kyā fareb dil ko diye iztirāb meñ

un kī taraf se aap likhe ḳhat javāb meñ

kyā jāneñ kyā sikhā.eñge un ko salāhkār

har roz guftugū hai na.ī mere baab meñ

pīr-e-muġhāñ kī dil-shikanī kā rahā ḳhayāl

dāḳhil huā huuñ tauba se pahle savāb meñ

rakhnā qadam tasavvur-e-jānāñ sambhāl kar

kaa.ī hai jā-ba-jā mirī chashm-e-pur-āb meñ

ai shaiḳh jo batā.e ma-e-ishq ko harām

aise ke do lagā.e bhigo kar sharāb meñ

ai 'dāġh' koī mujh sā na hogā gunāhgār

hai ma.asiyat se merī jahannam azaab meñ

kya kya fareb dil ko diye iztirab mein

un ki taraf se aap likhe KHat jawab mein

kya jaanen kya sikhaenge un ko salahkar

har roz guftugu hai nai mere bab mein

pir-e-mughan ki dil-shikani ka raha KHayal

daKHil hua hun tauba se pahle sawab mein

rakhna qadam tasawwur-e-jaanan sambhaal kar

kai hai ja-ba-ja meri chashm-e-pur-ab mein

ai shaiKH jo batae ma-e-ishq ko haram

aise ke do lagae bhigo kar sharab mein

ai 'dagh' koi mujh sa na hoga gunahgar

hai masiyat se meri jahannam azab mein